عيرة للشاعر على سلامه
الشعر عيرة
الشعر عيرة
والكحل عيرة
والورد فوق الخدولحد الضفيرة عيرة
الصبر عيرة والضحك عيرة
والفرح والأحزان كمان وحاجات كتيرة
حتى الحنان جوه البيوت حتى الكلام...حتي السكوت حتى الهتاف جوه المسيرة برضه عيرة
حيرني حيرة بقينا ليه حبة حاجات
قمصان بدل على بالونات
ما بقيتش شايف إيه اللي جاي وإيه اللي فات
ما بقيتش افرق ده أزرق ده ولا أحمر رمادي
ودي كارثة ولا ده وضع عاد ي
وده طفل ولا راجل عجوز
وده إيه ده راخرجايز يجوز نعسان ده ولا ساكت
وسايربردان ده ولا ده دور وداير
4 التعليقات:
السلام عليكم ورحمة الله وبركاته ..
باشمهندسة nada كلامك جميل بس معانيه أقوى واجمل و أوقع ..
صحيح انا ما بحبش اقرأواكتب اي حاجة بالعامية و السبب في دااني بحس ان لما بنترك الفصحى بنترك ارث عظيم بنترك اي حاجة بتربطنا بالاحبة "محمد صلى الله عليه وسلم وصحبه " -دي وجهة نظر فحسب !!بس بجد لما قريت الكلام دا حسيت انه عجبني جداا والعنوان لفت نظري قوي يمكن دا لان حلاوة المظهر كتابة ما ضيعتتش الجوهر .. ويمكن كان اختيارك موفق في الكتابة بالعامية لان دي حاجة من الواقع العامي ..
بس ماشاء الله عليكي في الفصحى والعامية سلمت يمينك و في القمة دائما وجزاك الله خيرا على كتاباتك الهادفة ..
وجزاكى مثله يازهراء..وطبعا انا باتفق معاكى فى وجهة نظرك دى..وشكرا ليكى على كلامك الجميل ده..ومنتظرة كتاباتك تنور البلوج ان شاء الله..
جميلة ومعبرة جدا ياندا بس الشاعر ده معقد و ايه
ههه انا معرفش شعراء و مهتمة بالموضوع ده بس الكلام فعلا جميل
ســـــــلام
كلام جميل جدا يا ندى
ومعانيه معبرة ووبتوصل للقارىء بسهوله
شكرا ليكى يا قمر
إرسال تعليق