دى اول مرة اكتب باللغة العامية فى البلوج بتاعى,بس اكيد اغلبنا يعرف فيلم دعاء الكروان بتاع فاتن حمامة..
الفيلم ده انا بحبه جدا بغض النظر على قصته الجميلة ولا اداء الممثلين الفوق الرائع فيه لكن من يوم ماشفته فى جملة علقت فى دماغى اوى الجملة دى قالتها فاتن حمامة لأحمد مظهر لما سألها انتى دايما بتحبى تسمعى صوت الكروان ليه؟ قالت له جملة جميلة اوى قالت له عشان الكروان لما بيكون فرحان بيطير ويقول الملك لك لك ولما يكون زعلان ومخنوق يقول اشكى لك لك وانا زيه لما باكون فرحانه باقول زيه واما اكون زعلانة باشكى لربنا زيه..
بجد انا بحب الفيلم عشان الجملة دى بالذات..ياترى جربت انك تشكى لربنا همومك وتكلمه وتشكيله زى مالكروان بيعمل ؟
ياترى احساسك ايه ؟انا عن نفسى بابقى فى قمة الراحة والسعادة لما اشكى لربنا..
ياريت اسمع ارائكم فى الموضوع ده..
7 التعليقات:
اممممممممممممم
موضوع جميل جدا يا ندى
وفعلا احسن حاجه انك ترمى همومك ورا ظهرك وتشتكى لربنا
وبالنسبه للفيلم برده جميل جدا
سلام يا عسل
وأنا داخل قريت ان الكلام عن افلام قولت همشي انا بقي ومش هعلق ( اصلي مش بشوف التليفزيون ولا الافلام القديمة دي )
بس بجد الجملة رائعة وبخصوص الشكوى لربنا هى اسهل واصعب حاجة فى نفس الوقت
بس الأهم انها اكتر حاجة بتجيب نتيجة
تحياتي
تشي
اللهم انى اشكو لك ضعف قوتى وقلة حيلتى وهوانى على الناس
الشكوى لغير الله مذلة ....... لما قريت كلامك افتكرت الجملة دى فى ساعتها
انا ليه تعليق هبقي اسيبه في الموضوع ده لاحقا ان شاء المولي
بس القافيه دلوقت بتقول
___________
يا جماعه شوفوا الكلمات دي وحسوها
لو لاقيتم نفسكم ممكن توصل علاقتكم بربنا للدرجه دي يبقي الدنيا لسه بخير
" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك0
_______
علي فكره يا جماعه انا وصلت مع ربنا لدرجه دي اكتر من مره
واخر مرة كانت بجد أوي
حسيت قد ايه انا تافه وبالنسبه لربنا لا شئ
علي فكره انا مش زعلان من اي حاجه خاصه بالموضوع بتاعي لاني متاكد ان ده الصح لاني استخرت ربنا واكيد هو ده الصح
وربنا يتم الصح علي خير
سلامي
ميرسى ليكم ياجماعة على التعليقات بتاعتكم..
الرد متأخر اكيد
بس بداية..
احب اقولك ان الفيلم ده متصور في بلدي...
واسألي عنها في الفيوم
:)
والجملة بجد روعة
واكيد الشكوى لربنا احسن من اي حد
اقبلي رأيي المتواضع ده:
بجد مدونتك تححححححححححفة
سلاموز
إرسال تعليق